Reseı prezıdenti Astanada ótetin ShYU sammıtine qatysa ma

<p>ASTANA. KAZINFORM &ndash; Jaqynda Astanaǵa baramyz, ShYU sammıti jáne basqa da is-sharalar bolady. Meniń shaqyrtýym bar, árıne, men ony qoldanamyn. Reseı Federatsııasynyń prezıdenti Vladımır Pýtın Peterbýrg halyqaralyq ekonomıkalyq forým aıasynda ótken iri halyqaralyq aqparattyq agenttikterdiń basshylarymen kezdesý barysynda osylaı málimdedi.&nbsp;</p>

ShYU taqyrybyn Vladımır Pýtın Qazaqstan men Reseı arasyndaǵy yntymaqtastyq deńgeıi týraly suraqqa jaýap berý barysynda qozǵady. Reseı Federatsııasynyń Prezıdenti ekijaqty saýda qatynastary aıasynda elderdiń ulttyq valıýtalarǵa kóshýin atap ótti. 

«Shynymdy aıtsam, bizdiń qarym-qatynasty qandaı da bir jolmen qıyndatqan oıdy kórip turǵan joqpyn. Qytaımen yntymaqtastyq týraly aıttyq, bizde taýar aınalymynyń 90%-y ulttyq valıýtalarǵa tıesili. Bizdiń Qazaqstanmen qarym-qatynasta da solaı bolyp jatyr. Ol 100%-ǵa taıap qaldy», — dedi RF prezıdenti gýmanıtarlyq saladaǵy yntymaqtastyqtyń jaqsy deńgeıin atap óte kele, ıaǵnı, bizde barlyq vektor boıynsha óte nátıjeli birlesken jumys júrip jatyr.

«Sonyń ishinde barlyq baǵyttar boıynsha bizdiń ózara is-qımyldy qoldaıtyn Prezıdent Toqaevtyń arqasynda. Jaqynda Astanaǵa baramyz, ShYU sammıti jáne basqa da is-sharalar bolady. Meniń shaqyrtýym bar, árıne, men ony qoldanamyn», — dep túıindedi Reseı basshysy. 

Buǵan deıin habarlaǵanymyzdaı, Reseı Federatsııasynyń Prezıdenti Vladımır Pýtın Peterbýrg halyqaralyq ekonomıkalyq forýmy (PMEF) aıasynda iri halyqaralyq aqparattyq agenttikterdiń basshylarymen kezdesti. 

Sondaı-aq, Reseı Prezıdenti kórshi eldiń 76 sýbektisi Qazaqstandaǵy tıisti aýmaqtarmen tikeleı qatynasta ekenin málim etti.