Reseı: Orsk qalasyndaǵy Elshanka ózeni tasyp jatyr

<p>ASTANA. KAZINFORM &ndash; Orynbor oblysynyń Orsk qalasynda Elshanka ózeni arnasynan asty. Bul týraly qala meri Vasılıı Kozýpıtsa óziniń Telegram arnasynda habarlady, dep jazdy <a href="https://tass.ru/proisshestviya/20472471" target="_blank" rel="noopener">TASS</a> aqparat agenttigi.&nbsp;</p>

«Qalanyń Şors kóshesiniń aýdanyndaǵy Elshanka ózeni arnasynan asyp jatyr. Sý Rabochıı kenti jaǵynan kelip, ózen arnasynyń ekinshi ýchaskesiniń aýmaǵyna kirdi», - dep jazdy ol.

Qala basshysy Lenınskıı aýdanynyń basshysy Elena Kolıadınamen birge Vasnetsov jáne Vıazemskaıa kóshelerin aralap kórdi.

«№6 mekteptiń aınalasynda sý bar. Vıazemskaıa kóshesinen Kramatorskaıaǵa deıin jáne Mehanıkalyq zaýytqa deıingi aýmaqty sý basty», - dep naqtylady ol.

Kozýpıtsanyń qosyp ótýinshe, bılik qazir adamdarǵa habarlandyrý aıtyp, polıtsııa men tótenshe jaǵdaılardy joıý kúshterimen birge jaǵdaıdy pysyqtap jatyr.

«Biz evakýatsııalyq avtobýstar men ýaqytsha ornalastyrý ortalyqtaryn uıymdastyrdyq», - dep túsindirdi ol.

Qala basshysynyń aıtýynsha, Stanıslavskıı kóshesinde evakýatsııalyq beket ashyldy. Aýdan basshylyǵy polıtsııamen birge onda táýlik boıy kezekshilik júrgizip jatyr.