Reseı olıgarhy sanktsııany aınalyp ótip, Qazaqstan arqyly ushaq satyp alǵan joq — komıtet

<p>Kólik mınıstrligi birqatar aqparat quralynda jarııalanǵan málimetti joqqa shyǵardy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Azamattyq avıatsııa komıtetine silteme jasap.</p>

Aıta keteıik, keı aqparat kózderinde reseılik olıgarh sanktsııany aınalyp ótip, Qazaqstan arqyly jeke ushaq satyp alǵany jóninde jańalyqtar jarııalandy.

Onda mıllıarderdiń qazaqstandyq tasymaldaýshy Irtysh Air arqyly Falcon 7X bıznes djetin 36 mln dollarǵa satyp alǵany aıtylady.  

Degenmen QR Kólik mınıstrligi bul habardyń shyndyqqa janaspaıtynyn jetkizdi.

«Áýe kemesiniń bul túri buryn-sońdy Qazaqstan azamattyq áýe kemeleriniń memlekettik tiziliminde bolmaǵan. Qazirgi ýaqytta Irtysh Air áýe kompanııasynyń azamattyq áýe kemelerin paıdalanýshy retinde qoldanystaǵy sertıfıkaty da joq jáne 10 jylǵa jýyq ýaqyttan beri ushpaǵan. Áýe kompanııasy áýe kemesiniń bul túrin eshqashan paıdalanbaǵan» dep málimdedi mınıstrlikke qarasty Azamattyq avıatsııa komıteti.