Reseı ókili QR áskeriniń Sırııaǵa jiberilýi múmkindigine qatysty túsinik berdi

ASTANA. QazAqparat - Reseı Prezıdentiniń Sırııa jónindegi arnaıy ókili Aleksandr Lavrentev reseılik BAQ-ta taraǵan bitimgerlik mıssııa úshin Sırııaǵa Qazaqstannyń áskeri jiberiledi degen aqparatqa oraı pikir bildirdi, dep habarlaıdy QazAqparat.

«Qazirgi ýaqytta Sırııadaǵy bitimgerlik mıssııa úshin qaı elderden áskerı baıqaýshylar tartý málelesi  kóterilýde. Reseı Federatsııasynan kontıngenttiń qatysýyna eshkim de kúdik keltire almaıdy. Sondyqtan biz TMD-nyń barlyq elderine ahýalǵa monıtorıngti birlese jasaý úshin aqylǵa qonymdy shekte kontıngent jiberý múmkinshiligin qarastyrý týraly júgingen edik.  Biz eshkimdi de qandaı da bir sheshim qabyldaýǵa májbúrlemeımiz. Eger Qazaqstan basshylyǵy men Úkimeti mundaı áskerı kontıngent jiberý týraly sheshim qabyldaıtyn bolsa, onda biz ony qoldaıtyn bolamyz. Biraq, meniń bilýimshe, ázirshe Qazaqstan basshylyǵy naqty sheshim qabyldaǵan joq», - dedi ol Astanada ótken Sırııa boıynsha halyqaralyq kezdesýdiń qorytyndysyna arnalǵan brıfıngte.