Reseı mınıstri: «Spýtnık V» vaktsınasyn halyqaralyq deńgeıde tirkeýde kedergi qalmady

NUR-SULTAN. QazAqparat – Reseı Federatsııasynyń Densaýlyq saqtaý mınıstri Mıhaıl Mýrashko Dúnıejúzilik densaýlyq saqtaý uıymynda reseılik «Spýtnık V» vaktsınasyn tirkeýge kedergi bolǵan barlyq kedergiler joıylǵanyn málimdedi, dep habarlaıdy QazAqparat tilshisi.

Bul týraly reseılik sheneýnik TASS agenttiginiń suraǵyna bergen jaýabynda aıtty. Dúnıejúzilik densaýlyq saqtaý uıymynyń bas dırektory Tedros Adanom Gebreııýspen kezdesýi qalaı ótkenin baıandaǵan reseılik mınıstr «Spýtnık V»-di halyqaralyq deńgeıde tirkeý múmkindikteri týraly aıtady.

«Reseı Federatsııasynyń reseılik «Spýtnık V» vaktsınasyn ilgeriletý jáne tirkeý týraly ustanymy tyńdaldy. Biz búginde máselelerdiń bárin tolyǵymen joıdyq. Ótinish berýshi – Dúnıejúzilik densaýlyq saqtaý uıymynyń alańynda «Spýtnık V» vaktsınasyn tirkeýmen aınalysatyn kompanııa birqatar qujattarǵa qol qoıyp, birqatar qosymsha qujattardy usynýy kerek. Bul ákimshilik rásim jáne bul qarastyrylady»,-depegen Reseıdiń Densaýlyq saqtaý mınıstri «Spýtnık V» vaktsınasyn tirkeý boıynsha endi eshbir kedergi qalmaǵanyn aıtty.

«Búgingi tańda barlyq kedergiler joıyldy. Sondyqtan biz búgin odan ári jumys isteýge eshqandaı kedergi kórip otyrǵan joqpyz. Muny bizge Dúnıejúizilik densaýlyq saqtaý uıymynyń bas dırektory rastady», - dedi ol.

TASS agenttiginiń jazýynsha, Gebreıesýs Reseı Twitter-degi jazbasynda atalmysh kezdesý tarly pikir bildirip, onyń barysynda Dúnıejúzilik densaýlyq saqtaý uıymy shuǵyl qoldanýǵa usynǵan dári-dármekter tizimine koronavırýsqa qarsy vaktsınalardy engizý protsedýrasy talqylanǵanyn atap ótti.

Eske salsaq, «Spýtnık V» vaktsınasy Qazaqstan azamattary eń kóp qabyldaǵan vaktsına bolyp sanalady. Qaraǵandy qalasynda reseılik vakınany jasaıtyn zaýyt ta jumys istep tur.