Reseı men Ýkraına tikushaqtary Astanada jóndele bastady

ASTANA. QazAqparat - Parlament Májilisindegi Úkimet saǵatynda Qorǵanys jáne aeroǵarysh ónerkásibi mınıstri Beıbit Atamqulov Astanadaǵy Evrokopter ortalyǵynyń múmkindikteri týraly aıtyp berdi, dep habarlaıdy QazAqparat.

«2011 jyly qurylǵan «Evrokopter Qazaqstan Injınırıng» qyzmetter eksportyna shyqty. Osy oraıda Evrokopter sanatyndaǵy barlyq tikushaqtarǵa tehnıkalyq qyzmet kórsetý quqyǵy berildi. Postkeńestik keńistikte sertıfıkattalǵan jalǵyz ortalyq mártebesine ıe», - dep toqtaldy mınıstr.

Onyń sózine qaraǵanda, búginde Astanadaǵy ortalyqta Reseı, Ýkraına, Mońǵolııa jáne Ortalyq Azııa elderinen tikushaqtar jóndeýden ótýde.

«Búgingi kúni kiristiń 50 paıyzǵa jýyǵyn qyzmetter eksporty quraıdy jáne kompanııa aımaqtyq servıstik ortalyq retinde jańa deıgeıge shyǵýda», - naqtylady Atamqulov.

Aıta keteıik, «Eýrokopter Qazaqstan ınjınırıng» zaýytyn «Qazaqstan ınjınırıng» Ulttyq kompanııasy» AQ men «Eýrokopter» frantsýz kásiporny birlesip qurǵan. Qazaqstan Respýblıkasy Prezıdentiniń tapsyrmasymen 2010 jyldyń 27 qazanynda Frantsııada birlesken kompanııa qurý týraly ekijaqty kelisimge qol qoıyldy. Zaýyttyń úsh modelge arnalǵan, ıaǵnı ES145, ES130, AS 350 tikushaqtaryna qyzmet kórsetýge múmkindigi bar.


Illıýstratıvnoe foto