Reseı men Ýkraına alty aıdan beri alǵash ret tutqyn almasty

<p>Reseı men Ýkraına sońǵy alty aıda alǵash ret tutqyn almasty. Máskeýden habarlaǵandaı, Ýkraınadaǵy áskerı is-áreketke qatysqan 248 reseılik elge oraldy. Al Kıev 230 adam, onyń ishinde alty beıbit turǵynnyń elge oralǵanyn rastady. <a href="https://www.inform.kz/" target="_blank" rel="noopener">Kazinform</a> bul týraly <a href="https://ru.euronews.com/2024/01/03/short-ukraine-war-prisoners-exch" target="_blank" rel="noopener">Euronews</a>-ke silteme jasap habarlaıdy.&nbsp;&nbsp;</p>

Ýkraına derekkózderiniń habarlaýynsha, bosatylǵandar arasynda Marıýpol, «Azovstal» jáne «Zmeınyı» araldarynyń qorǵaýshylary bar.

Joǵarǵy Radanyń Adam quqyqtary jónindegi ýákili Dmıtrıı Lýbınetstiń naqtylaýynsha, bul taraptar arasyndaǵy 49-shy almasý boldy.

Áskerı tutqyndardy úılestirý shtabynyń málimetinshe, bul «qaıtarylǵan qorǵaýshylar sany boıynsha eń úlken almasý».

Operatsııanyń BAÁ deldaldyǵymen júrgizilgeni habarlandy.

Foto: t.me/Koord_shtab

Kıevtiń resmı málimetine sáıkes, 2023 jyldyń aıaǵynda Reseı tutqynynda 4337 adam bolǵan, onyń 763-i — beıbit turǵyndar.

Máskeý byltyr kúzde Ýkraına tutqynynda 500 reseılik bar ekenin málimdegen.