Reseı men Belarýs sportshylarynyń Paralımpıadaǵa qatysýyna tyıym salyndy

NUR-SULTAN. TASS-QazAqparat - Halyqaralyq paralımpıada komıteti sheshimin ózgertip, reseılik jáne belarýs sportshylaryna Beıjińdegi Paralımpıada oıyndaryna qatysýǵa tyıym saldy. Bul týraly HPK baspasóz qyzmeti málimdedi, dep habarlaıdy QazAqparat TASS aqparat agenttigine silteme jasap.

Sársenbi kúni HPK Reseı men Belarýs sportshylaryna oıynǵa beıtarap mártebede qatysýǵa ruqsat bergen edi.

Sheshim HPK alqasynyń arnaıy shaqyrylǵan otyrysynan keıin ózgertildi.

«Sońǵy 12 saǵat ishinde bizge kóptegen qatysýshylar habarlasyp, oıyn ashyq aıtty. Men buǵan rızamyn. Olar bizge sheshimimizdi qaıta qarastyrmasaq, onyń Beıjińdegi Paralımpıada oıyndaryna keri áseri tııýi múmkin ekenin aıtty. Birneshe ulttyq paralımpıada komıteti ol jaǵdaıda jarysqa qatyspaıtynyn aıtyp narazylyq bildirdi», - dedi HPK prezıdenti Endrıý Parsons.

28 aqpanda Halyqaralyq Olımpıada komıteti halyqaralyq sport federatsııalaryna Reseı men Ýkraına arasyndaǵy jaǵdaıǵa baılanysty Reseı jáne Belarýs sportshylarynyń halyqaralyq jarystarǵa qatysýyna jol bermeýdi usyndy.

Reseı Paralımpıada komıteti oıynshylaryn jarystan shettetý sheshimin negizsiz dep sanaıdy.

Beıjińdegi Paralımpıada oıyndary 4-13 naýryz aralyǵynda ótedi.