Ombyda Reseı mektepterinde qazaq tilinen sabaq beretin muǵalimder daıarlanady

<p>Reseıdiń Omby qalasynda etnıkalyq qazaqtar sany artyp keledi. Osyǵan oraı kórshi eldegi birneshe mektepte qazaq tili fakýltatıvtik pán retinde oqytylyp júr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Foto: Ǵylym jáne joǵary bilim mınıstrligi

Aldaǵy ýaqytta mektepterde kásibı bilim berýge qabiletti joǵary bilikti muǵalimderdi oqytý úshin qazaq jáne orys tili muǵalimderin daıarlaý baǵdarlamasy júzege aspaq.

Bul týraly Ózbekáli Jánibekov atyndaǵy OQPÝ-ne Reseıdiń Omby pedagogıkalyq ýnıversıtetinen kelgen resmı ókilder málimdedi.

Atap aıtqanda, Omby memlekettik pedagogıkalyq ýnıversıtetiniń ǵylymı jumystar jónindegi prorektory, ekonomıka ǵylymdarynyń doktory, dotsent Irına Geraşenko, halyqaralyq yntymaqtastyq bóliminiń basshysy Lıýdmıla Bevzıýk, orys tili kafedrasynyń meńgerýshisi Evgenıı Vıdanov, Arkadıı Petrýsevıch.

Foto: Ǵylym jáne joǵary bilim mınıstrligi

Reseılik ǵalymdardy ýnıversıtet basqarma tóraǵasy-rektor Gúljan Súgirbaeva qabyldap, áriptes JOO-men yntymaqtastyq kelisimshartty jańartý, akademııalyq utqyrlyq, taǵylymdama jáne halyqaralyq baǵdarlamalar men jobalar, ǵylymı-zertteý jumystary máselelerin talqylady.

Ýnıversıtettiń akademııalyq máseleler jónindegi prorektory A.Qudysheva, kafedra meńgerýshileri D. Baıǵutova men E.Orynbetovaǵa áriptes JOO-nyń orys tili kafedrasynyń meńgerýshisi E.Vıdanov, A. Petrýsevıchpen birge jańa jobany júzege asyrýǵa baılanysty birshama mindetter júkteldi.

Búginde OQPÝ joǵary bilim men ǵylymdy ınternatsıonaldandyrý saıasatyn qarqyndy júzege asyryp jatyr.

Foto: Ǵylym jáne joǵary bilim mınıstrligi

Ýnıversıtet álemniń túrli aımaqtarynyń, atap aıtqanda, Eýropa odaǵynyń, Shyǵys jáne Ońtústik-Shyǵys Azııa, TMD elderiniń 100-den astam joǵary bilim jáne zertteý uıymdarymen yntymaqtastyq týraly memorandým men halyqaralyq kelisimderge qol qoıǵan.