Reseı mektebinde oqýshy qyz qarýdan oq jaýdyrdy: Qaza tapqandar bar

<p>Reseıdiń Brıansk qalasynda segizinshi synyp oqýshysy qarýdan oq jaýdyrdy. Aqparatqa sáıkes, oqıǵa saldarynan eki adam qaza bolyp, taǵy tórteýi jaraqat alǵan. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://tass.ru/proisshestviya/19476007" target="_blank" rel="noopener">TASS</a> aqparat agenttigine silteme jasap habarlaıdy.</p>

Oqıǵa qaladaǵy №5 gımnazııada boldy. Aldyn ala aqparatqa sensek, qyz ózin ózi óltirgen. 

«Segizinshi synyp oqýshysy mektepke qarý ákelip, odan birneshe ret oq jaýdyrdy», - delingen ІІMB taratqan málimdemede.

Oqıǵa ornynda polıtsııa qyzmetkerleri men jedel qyzmet jumys isteýde. Oqıǵanyń mán-jaıy anyqtalyp jatyr.

Eske sala ketsek, bul Reseıdiń bilim mekemelerindegi alǵashqy atys emes.

2021 jyly belgisiz bireý Perm memlekettik ýnıversıteti korpýstarynyń birinde adamdarǵa oq jaýdyrdy.

Oqıǵa saldarynan qaza bolǵandar boldy.

Bıyl belgisiz eki adam Qazandaǵy Faızı kóshesindegi mektepte qarýdan oq atty. Ol kezde birneshe adam jaraqat alǵan.