Reseı Qazaqstanǵa qylmystyq top jetekshisin ekstradıtsııalaıdy

ASTANA. QazAqparat - Reseı Federatsııasynyń Bas prokýratýrasy halyqaralyq izdeýde júrgen Ermahanbet Dildabaevty elimizdiń Bas prokýratýrasynyń suranysy boıynsha ekstradıtsııalaıtyn boldy. Dildabaevtyń qylmystyq áreketinen memleketke 4 mıllıard teńgeden astam zalal keltirilgen. Bul týraly Bas prokýratýranyń saıty habarlady.

Kúdiktiniń ústinen birneshe bappen is qozǵalǵan. Atap aıtsaq, jalǵan kásipkerlik, uıymdarǵa salynatyn salyqty jáne bıýdjetke tólenetin basqa da mindetti tólemderdi tóleýden jaltarý, uıymdasqan top, qylmystyq uıym qurý jáne olarǵa basshylyq etý baptary boıynsha tergeý júrgizilýde.

Bul qylmystyq uıymnyń taǵy da bir múshesi Marat Jupqazıev osy jyldyń tamyz aıynda Taılandtan Qazaqstanǵa ekstradıtsııalanǵanyn aıta ketý kerek.