Reseı ǵalamshararalyq stantsııasynan aıyryldy: «Lýna-25» apatqa ushyrady
«Lýna-25» avtomatty stantsııasynyń ushý baǵdarlamasyna sáıkes, 19 tamyzda qoný aldyndaǵy ellıpstik orbıtasyn túzý úshin ımpýls berý josparlanǵan bolatyn. Máskeý ýaqytymen 14:57-de avtomatty stantsııamen baılanys úzildi. 19 jáne 20 tamyzda júzege asyrylǵan «Lýna-25»-ti izdeý jáne baılanys ornatý amaly nátıje bermedi.
Aldyn ala taldaý nátıjesi boıynsha, ıspýlstiń negizgi parametri eseptegen parametrden aýytqyp ketýine baılanysty avtomatty stantsııa eseptelmegen orbıtaǵa ótip ketip, Aıdyń betimen soqtyǵysyp, jarylǵan.
«Lýna-25»-tiń joǵalyp ketý sebebin anyqtaýmen arnaıy qurylǵan vedomstvoaralyq komıssııa aınalysady», - delingen Roskosmos baspasóz habarlamasynda.
Mamandar «Lýna-25»-tiń ushyrylýyn Roskosmostyń 2023 jylǵy eń negizgi ushýy dep ataǵan bolatyn. Jerdiń tabıǵı seriginiń betine qoný 21 tamyz, Bogýslavskıı kraterinen soltústikke qaraı aımaqta bolýy kerek edi.
«Lýna-25» avtomatty stantsııasy jumsaq qoný tehnologııasyn meńgerip, topyraqty alyp, taldap, uzaq ǵylymı zertteý júrgizýi kerek bolatyn.
Atap aıtqanda, Aıdyń ońtústik polıýsi aýdany men aı ekzosferasynyń betindegi regolıttiń joǵarǵy qabatyn zertteý kerek edi. 21 tamyzda apparatty qondyrý josparlanǵan.