Reseı Federatsııasy Úkimetiniń tóraǵasy Ózbekstanǵa bardy

<p>TAShKENT. KAZINFORM &ndash; Búgin Reseı Federatsııasy Úkimetiniń Tóraǵasy Mıhaıl Mıshýstın Ózbekstanǵa bardy. Bul týraly <a href="https://uza.uz/uz/posts/rossiya-federaciyasi-hukumati-raisi-ozbekistonga-keldi_633510" target="_blank" rel="noopener">UzA</a> habarlady.</p>

Tóraǵany Tashkent halyqaralyq áýejaıynda Ózbekstan Respýblıkasynyń Premer-Mınıstri Abdýlla Arıpov jáne basqa da resmı tulǵalar qarsy aldy. 

Sapar baǵdarlamasyna sáıkes Ózbekstan Respýblıkasy men Reseı Federatsııasynyń úkimet basshylary deńgeıindegi birlesken komıssııanyń kezekti otyrysy ótedi.

Sondaı-aq Tashkent qalasyndaǵy óndiristik jáne ónerkásiptik kásiporyndardyń tynys-tirshiligimen tanysyp, basqa da nysandardy aralaý josparlanyp otyr. 

Eske sala keteıik, buǵan deıin Ózbekstanda, Qyrǵyzstan men Tájikstan shekarasynda 3 baldyq jer silkinisi bolǵanyn habarlaǵan bolatynbyz.