Reseı elde júrgen sheteldikterdiń biryńǵaı tsıfrlyq profılder bazasyn jasaıdy

MÁSKEÝ. TASS - QazAqparat - Reseıde sheteldik azamattardy, onyń ishinde olardyń tsıfrlyq profılrin tirkeýge arnalǵan biryńǵaı aqparattyq alań jasalady, dep habarlaıdy QazAqparat TASS agenttigine silteme jasap.

Tsıfrlyq profılde adamnyń quqyqtyq mártebesi, onyń bıometrııalyq derekteri, turǵylyqty jeri men jumysy týraly aqparat bolady.

Bul mıgranttarǵa memlekettik qyzmetterdi elektrondy túrde alýǵa jáne ýaqytynda elden ketý qajettigi týraly poshta habarlamalarymen qosa, aqparattyq qyzmetterdi paıdalanýǵa múmkindik beredi.

Bul týraly TASS-qa Іshki ister mınıstrliginiń baspasóz ortalyǵy vedomstvonyń tıisti saýalyna jaýap retinde habarlady.

Sonymen qatar sheteldikter tsıfrlyq profıldi qoldana otyryp, jumys berýshimen eńbek qatynasyn jasaı alady, ózderiniń bilimin rastaıdy, mindetti salyq jáne basqa tólemderdi tólep, yńǵaıly aqparattyq qyzmetterdi qoldana alady.

Sonyń ishinde ruqsattardyń, Reseıde qalý jáne elden syrt shyǵýǵa qajetti qujattardyń jaqynda aıaqtalatyny jaıly habarlamalar alady.