Reseı Dýmasynyń spıkeri: Qazaqstannyń Tuńǵysh Prezıdenti - búkil ómirin óz halqyna qyzmet etýge arnaǵan tulǵa
Reseı Federatsııasy Memlekettik Dýmasynyń spıkeri Vıacheslav Volodın Nursultan Nazarbaevtyń parlamentarızmdi damytýda da, Qazaqstan men Reseı arasyndaǵy ekijaqty qatynastardy nyǵaıtýda da, eýrazııalyq keńistikte halyqaralyq yntymaqtastyq sheńberinde ıntegratsııalyq protsesterdi arttyrýdaǵy mańyzdy rólin atady. Ol mundaı pikirdi Tuńǵysh Prezıdent kúnine oraı «Elbasy N.Á.Nazarbaevtyń Qazaqstandaǵy parlamentarızmniń qalyptasýy men damýyndaǵy róli» atty Májilis uıymdastyrǵan halyqaralyq konferentsııada aıtty.
Vıacheslav Volodınnyń aıtýynsha, Nursultan Nazarbaev búkil ómirin óz eline jáne halqyna qyzmet etýge arnaǵan tulǵa. Tuńǵysh Prezıdenttiń úlken eńbegi-osy jyldar ishinde memleket nyq damyp, ekonomıkalyq, áleýmettik jáne ǵylymı-tehnıkalyq salalarda tabystarǵa jetýde.
«Nursultan Nazarbaevtyń saıası danalyǵy, baı ómirlik jáne basqarýshylyq tájirıbesi Reseı men Qazaqstan arasyndaǵy qatynastardy damytý isinde, halyqtarymyz arasyndaǵy dostyqty nyǵaıtýda, Eýrazııalyq keńistikte kópjaqty yntymaqtastyqty ilgeriletýde uzaq jyldar boıy suranysqa ıe bolady», - dedi Reseı Federatsııasy Memlekettik Dýmasynyń spıkeri.