Reseı Dýmasy Pýtınniń qaıta prezıdent bolýyna quqyq beretin zańdy qabyldady

MÁSKEÝ. TASS – QazAqparat – Reseı Memlekettik Dýmasy sársenbi kúni ótken plenarlyq otyrysta RF qazirgi prezıdenti Vladımır Pýtınge memleket basshysy laýazymyna qyzmetine qaıta daýysqa túsýine quqyq beretin túzetýlerdi qabyldady. Bul týraly QazAqparat TASS agenttigine silteme jasap habarlaıdy.

RF Konstıtýtsııasynyń jańa erejeleriniń birine sáıkes, RF prezıdenti qyzmetin atqara alatyn merzim sanynyń shektelýi memlekettiń qazirgi basshysyna qatysty onyń burynǵy prezıdenttik merzimi eskerilmeı qoldanylady. Osylaısha, bul norma memlekettiń qazirgi basshysyna Reseı Federatsııasy prezıdentiniń qyzmetin taǵy eki merzim atqarýǵa múmkindik berip otyr.

Qujatty Gosdýmaǵa depýtattar Pavel Krashenınnıkov pen Olga Savastıanova, sondaı-aq Federatsııa keńesiniń múshesi Andreı Klıshas qarasha aıynda usynǵan.