Reseı DHR jáne LHR táýelsizdigin moıyndady

NUR-SULTAN. QazAqparat - Reseı Donetsk jáne Lýgansk halyq respýblıkalarynyń táýelsizdigin moıyndap, olarmen dostyq, yntymaqtastyq jáne kómek kórsetý týraly kelisimder jasady. Tıisti qujattarǵa dúısenbi kúni keshke Reseı prezıdenti Vladımır Pýtın qol qoıdy, dep habarlaıdy QazAqparat reseılik TASS agenttigine silteme jasap.

Buǵan deıin reseılikterge joldaǵan úndeýinde Memleket basshysy Ýkraınadan Donbastaǵy shaıqastardy dereý toqtatýdy talap etti, áıtpese «qyrǵyn jalǵasqan jaǵdaıda tógilýi múmkin adam qany» Kıevtiń moınynda bolatynyn atap ótti. Sonymen qatar qaýipsizdikti saqtaý týraly usynysqa Batys syndarly jaýap qatpasa, Máskeý «jaýap berýge» tolyq quqyly ekenin eskertti.

Hronometraj boıynsha Prezıdenttiń qazirgi úndeýi eń uzaq boldy jáne Memleket basshysynyń federaldy jınalysqa Joldaýymen salystyrylady.