Reseı BUU janyndaǵy Adam quqyqtary jónindegi keńeske daýys berý quqynan aıyryldy
23:04, 07 Sáýir 2022
NЬıÝ-IORK. TASS-QazAqparat - BUU Bas Assambleıasy beısenbi kúni Ýkraınadaǵy ahýalǵa baılanysty ótken arnaıy sessııa barysynda Reseıdiń Adam quqyqtary jónindegi keńeske músheligin toqtatý týraly rezolıýtsııany qabyldady, dep habarlaıdy QazAqparat TASS aqparat agenttigine silteme jasap.
Bul rezolıýtsııany qoldap 93 memleket daýys berse, 24 delegatsııa qarsy shyqqan, 58-i qalys qaldy. Qujatty qabyldaý úshin daýys berýge qatysýshylardyń úshten ekisi qoldaýy qajet ári qalys qalǵandar esepke alynbaıdy. Osylaısha, barlyǵy 117 delegatsııa jaqtap nemese qarsy daýys berdi.
Sheshimdi qoldaǵan 93 daýys barlyq mandattyń úshten ekisinen asatyn bolǵandyqtan, rezolıýtsııa qabyldandy.
Aıta keteıik, Reseıdiń músheligin toqtatý týraly sheshim tek qazirgi rotatsııaǵa, ıaǵnı 2023 jyly Reseı Federatsııasynyń keńestegi merzimi aıaqtalǵanǵa deıin qoldanylady. Odan ári Reseı Federatsııasy múshelikke qaıtadan ótinish bere alady.