Reseı BUU bıýdjetine $75 mln tóledi

ASTANA. QazAqparat - Reseı BUU-ǵa  búkilálemdik uıymǵa jarna retinde 75 mıllıon dollar aýdardy. Bul týraly beısenbide jýrnalısterge BUU bas hatshysynyń resmı ókili Stefan Dıýjarrık málim etti, dep habarlaıdy TASS.

«Búgin  biz Belgııadaǵy, Estonııadaǵy Katardaǵy jáne Reseı Federatsııasyndaǵy dostarymyzǵa alǵys aıtamyz. Olardyń bári BUU-ǵa jyl saıynǵy jarnalaryn  tolyq kólemde tóledi»,-dedi ol.

BUU-nyń resmı ınternet saıtyndaǵy aqparatqa sáıkes, 75 mıllıon dollar kólemindegi jarna 31 qańtarda aýdarylǵan. Qazirgi ýaqytta bul  búkilálemdik uıymǵa múshe memleketterden túsken qarjy arasynda óte qomaqty. Búgingi kúnge deıin 36 el óz jarnalaryn tólegen.

Eske sala ketsek, 2018-2019 jyldarǵa BUU bıýdjetin 24 jeltoqsanda Bas Assambleıa $5,397 mlrd kóleminde bekitken bolatyn. Degenmen bul munyń aldyndaǵy eki jyldyq kezeńdegi qarjydan 5% kem.