Reseı «Báıterek» zymyran keshenin qurastyrýǵa kiristi
«2018 jyly reseılik tarap «Zenıt M» ǵaryshtyq zymyran keshenin Qazaqstanǵa tapsyrdy. Qazir ony eksplýatatsııalaý máselesimen Reseı men Qazaqstannyń birlesken «Báıterek» kásiporny aınalysýda. Reseı taraby ortaq keshenniń qurylysy boıynsha óz mindettemelerin atqarýǵa kirisip ketti. Biz «Soıýz 5» zymyranyn qurastyrýdy bastadyq. Bizdiń tarap úshin «Báıterektiń» qurastyrylýy mańyzdy. Sebebi synaqtyq jáne odan arǵy mańyzdy ushyrylymdar úshin «Soıýz 5»-ti naqty sol keshennen ushyrýdy josparlap otyrmyz», - dedi «Roskosmos» korporatsııasynyń Qazaqstandaǵy ókildiginiń basshysy Anatolıı Krasnıkov elordada ótken brıfıngte.
Onyń aıtýynsha, keshenniń qurylysyna Qazaqstannyń kóptegen kásiporyndary jumyldyryp, jańa jumys oryndary ashylady, jańa joǵary bilikti mamandar daıarlanyp shyǵady.
«Bizdińshe, bul Qazaqstannyń joǵary tehnologııaly salalaryna, jalpy elge ıgi áserin tıgizedi», - deıdi ol.
Budan bólek A.Krasnıkov Reseıdiń ǵarysh ónerkásibi kásiporyndary Qazaqstannyń ǵaryshtyq baılanys júıelerin salýǵa da qatysqanyn tilge tıek etti.
Avtor: Kamıla Ámirova