Reseı «Baıqońyr» keshenindegi 234 nysandy Qazaqstanǵa qaıtarmaq
«2022 jylǵy 2 jeltoqsandaǵy «Baıqońyr» kesheni boıynsha úkimetaralyq komıssııanyń 8-shi otyrysynyń hattamasyn oryndaý aıasynda Reseı tarapy jalǵa alýshylar quramynan shyǵarýǵa usynylatyn 234 obektiniń tizbesin usyndy. Olardyń bazasynda 300-ge jýyq jańa jumys ornyn qura otyryp, óndiristerdi uıymdastyrý josparlanyp otyr», - dep atap ótedi Úkimet basshysy jaýabynda.
Onyń atap ótýinshe, ǵarysh salasy ınvestıtsııalardy memlekettik qoldaý aıasynda basym salaǵa jatqyzylǵan. Úkimettiń 2016 jylǵy 14 qańtardaǵy № 13 qaýlysymen bekitilgen ınvestıtsııalyq jobalardy iske asyrý úshin basym qyzmet túrleriniń tizbesine ǵarysh apparattaryn, júıelerin óndirý, jóndeý, tehnıkalyq qyzmet kórsetý sııaqty qyzmet túrleri jatqyzylǵan.
«Týrızmdi damytý maqsatynda 2023 jylǵy qyrkúıekte «Baıqońyr» kesheni boıynsha úkimetaralyq komıssııanyń 9-shy otyrysynda berilgen tapsyrmalardy iske asyrý úshin taraptar onyń bazasynda ǵarysh tehnıkasynyń úlgileri men maketterin ornalastyra otyryp, mýzeı keshenin qurý úshin «Gagarınskıı start» 1-shi jáne 2-shi alańyn odan ári paıdalaný jóninde usynystar ázirleıdi. «Zenıt-M» ǵaryshtyq zymyran kesheni nysandarynyń týrıstik tartymdylyǵyn jaqsartý úshin týr baǵdarlamasy ázirlendi. Zymyran qozǵaltqyshtary, «Soıýz-5» zymyranynyń maketi ornatyldy, kıiz úı ornatylyp «Etnoaýyl» ekspozıtsııasy jáne taǵy basqalary jasaldy. Budan basqa, «Baıqońyr» kesheniniń «Kraınıı» áýeaılaǵynyń áýe keńistigin paıdalaný jáne keshende turaqty áýe qatynasyn qalyptastyrý maqsatynda Qazaqstan men Reseı úkimetteri arasynda memlekettik organdar men akkredıttelgen uıymdardyń kelisiminde turǵan Kelisimniń jobasy ázirlendi», - dedi Premer-Mınıstr.