Reseı bankteri Qazaqstan kredıttik naryǵyndaǵy pozıtsııalaryn joǵaltyp jatyr

ASTANA. QazAqparat - Reseı bankteri Qazaqstannyń kredıttik naryǵynda pozıtsııalaryn joǵaltýda. Bir jylda reseılik bankterdiń Qazaqstandaǵy tórt enshiles uıymy kredıtteriniń jıyntyq kólemi 161 mlrd teńgege azaıdy, dep habarlady ranking.kz.

QR ekinshi deńgeıli bankteriniń qaryz portfeli 2017 jylǵy aqpannyń aıaǵynda 15,14 trln teńgege deıin 3,1%-ǵa (2016 jyldyń aqpanynda 15,62 trln) qysqardy.

Bir jylda reseılik bankterdiń Qazaqstandaǵy tórt enshiles uıymy kredıtteriniń kólemi 11,3%-ǵa, 1,43-ten 1,27 trln teńgege azaıdy. Jalpy kólemnen olardyń úlesi bir jylda 9,1% -dan 8,4% deıin qysqardy.

Sberbank - Qazaqstan naryǵyndaǵy eń iri reseılik bank. Qaryz portfeliniń kólemi boıynsha 4-orynda. 2017 jylǵy aqpannyń sońynda Sberbank kredıtteriniń kólemi 135,7 mlrd (12,6%) joǵaltyp, 940,3 mlrd teńgeni qurady. 2016 jylǵy mamyrdyń aıaǵynda trıllıonerler tiziminen shyǵyp, shildeniń sońynda bul tizimge qaıta kirdi, al kelesi aıda tizimnen birjolata shyǵyp qaldy. 90 kúnnen astam ótelmegen qaryzy bar kredıtter úlesi 11,3%-dan  10,1%-ǵa tómendedi. Alaıda bul QR Ulttyq banki usynǵan mejeden joǵary.

Qazaqstandaǵy ekinshi iri reseılik bank - Alfa-Bank. Banktiń qaryz portfeli 2017 jylǵy aqpannyń sońynda 33,2 mlrd teńgege (20,9%) azaıyp, 125,7 mlrd teńgeni qurap otyr. 90 kúnnen astam ótelmegen qaryzy bar kredıtter úlesi 8,9%-dan 7,4%-ǵa deıin tómendedi, bul elimizdegi ekinshi deńgeıli bankterindegi deńgeımen shamalas - 7,3%.

2016-2017 aqpan kezeńinde ósimdi kórsetken jalǵyz reseılik bank - Hoým Kredıt Bank. Onyń qaryz portfeli bir jylda 21,3 mlrd (21,1%) teńgege ósti jáne  122,1 mlrd teńgeni quraıdy. Kredıt sapasy da jaqsy nátıje kórsetti. 90 kúnnen astam ótelmegen qaryzy bar kredıtter úlesi  eki esege jýyq  - 8,7%-dan 4,4%-ǵa deıin   qysqardy.