Reseı balalarǵa arnalǵan koronavırýsqa qarsy vaktsınany synyqtan ótkizbek

MÁSKEÝ. TASS - QazAqparat – 12-17 jas aralyǵyndaǵy shamamen 300 bala men jasóspirim koronavırýsqa qarsy «Spýtnık V» vaktsınasynyń klınıkalyq zertteýlerine qatysady. Jáne ár jasqa arnalǵan preparattyń belgili bir kontsentratsııasy tańdalady, Bul týraly Gamaleıa atyndaǵy ortalyqtyń dırektory Aleksandr Gıntsbýrg aıtty, dep habarlaıdy QazAqparat TASS agenttigine silteme jasap.

«Balalarǵa jasalatyn zertteýlerdiń eresekterge jasalǵan klınıkalyq zertteýlerden eshqandaı ereksheligi joq, tek bul jaǵdaıda «Spýtnık V» vaktsınasynyń kontsentratsııasy ár jasqa ártúrli belgilenedi. Vaktsınanyń qalaı jumys isteıtinin baqylaımyz. Janama áserleri az bolady dep oılamyn. Eger aralastyrylǵan doza tıimdi bolsa, osymen toqtaımyz. Zertteýlerge 12-17 jas aralyǵyndaǵy 350 bala qatysady dep josparlap otyrmyz», - dedi ǵalym.

Gıntsbergtiń aıtýynsha, preparattyń tirkelýi shamamen 20 qyrkúıekke josparlanyp otyr. Bul – «Spýtnık V» vaktsınasynyń dozasy, alaıda tirkeý kýáligi basqasha bolady», - dep túsindirdi ol.

Budan erte Gameleıa atyndaǵy ortalyqtyń basshysy ǵalymdardyń Densaýlyq saqtaý mınıstrligine balalar men jasóspirimderge zertteý jasaýǵa ruqsat alý úshin qajetti qujattardy tapsyrǵanyn habarlaǵan. Máskeý qalasy meriniń áleýmettik damý máseleleri boıynsha orynbasary Anastasııa Rakovanyń málimetinshe, jasóspirimder arasynda «Spýtnık V» vaktsınasyn synaý shilde aıynyń basynda bastalmaq.