Reseı azamaty Belarýs elinde 100 áıeldi zorlaǵanyn moıyndady
01:55, 20 Qyrkúıek 2016
ASTANA. QazAqparat - Reseı azamaty Belarýs elinde 100 áıeldi zorlaǵanyn moıyndady. Bul týraly Mınsk oblatkomynyń ІІB habarlady, dep jazady life.ru.
Vedomstvo habarlaǵandaı, Sankt-Peterbýrg turǵyny Belarýske týystaryna kelip turǵan. Ár saparynda ol áıelderge zorlyq-zombylyq jasap ketip otyrǵan. Quqyq qorǵaýshylardyń málimetinshe, bundaı qylmysty ol alǵash ret 20 jyldan astam ýaqyt buryn - 1994 jyly jasaǵan. Nápsiqumardyń qurbandary ár jastaǵy qyz-kelinshekter bolyp otyrǵan, sonyń ishinde kámelet jasyna jetpegenderi de bar.
Kúdikti tek 2015 jyly ǵana quryqtaldy. Ol zábir kórsetken qyz-kelinshekterdiń tek jartysy ǵana anyqtaldy. Qazirgi sátte qalǵan japa shegýshiler anyqtalyp jatyr.