Reseı azamaty 17 jyl boıy Qazaqstannan zańsyz zeınetaqy alyp kelgen
ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary qos azamattyǵy bar áıeldi Semeıde ushaq bıletin satyp alǵan kezde anyqtaǵan.
«Belgili bolǵandaı, ol Qazaqstan azamaty bola tura 2001 jyly Reseı Federatsııasynyń azamattyǵyn alǵan. Sondaı-aq jeke basyn kýálandyratyn qujatty tapsyrmaı, zeınet jasyna jetken soń 17 jyl boıy qazaqstandyq zeınetaqyny alyp kelgen», - delingen aqparatta.
Qazirgi ýaqytta 76 jastaǵy áıel adam QR azamattyǵynan aıyrylyp, tıisti qujattar tárkilendi.
Oǵan QR ÁQBtK-niń 496-babyna sáıkes 100 AEK kóleminde aıyppul salyndy.
Osy rette, kóshi-qon qyzmeti óńir jurtshylyǵyna basqa eldiń azamattyǵyn alǵan jaǵdaıda Qazaqstan Respýblıkasy azamattyǵynan shyǵýdy ýaqtyly tirkeý qajet ekendigin eskertedi.