Reseı atletteri Paralımpıadaǵa qatysatyn boldy

NUR-SULTAN. QazAqparat - Reseı men Belarýstiń Ýkraınaǵa qarsy soǵystaǵy rólderine baılanysty qos eldiń sportshylary qysqy Paralımpıadaǵa beıtarap mártebede qatysady. Bul týraly Halyqaralyq paralımpıadalyq komıtet (HPK) málim etti, dep habarlaıdy QazAqparat Euronews saıtyna silteme jasap.

«Reseıdiń paralımpıadalyq komıteti men Belarýstiń ulttyq paralımpıadalyq komıteti Beıjińdegi qysqy Oıyndarǵa beıtarap mártebede jáne kelesideı sharttarmen qatystyrylady: barlyq sportshylar jarysqa HPK jalaýymen shyǵady. Olar úshin HPK gımni qosylady. Atletter Paralımpıadanyń medaldar esebine engizilmeıdi», - dep press-konferentsııada HPK basshysy Endrıý Parsons naqtylaǵan.

Sondaı-aq, HPK Reseı men Belarýs paralımpıadalyq komıtetteriniń múshelikteri týraly sheshimdi kezekten tys bas assambleıada qabyldamaq.

Paralımpıada Beıjińde 4 naýryz kúni bastalyp, 10 kúnge sozylady. Bıatlon, taý shańǵysy, arbamen kerlıng, shańǵy sporty, snoýbord pen sledj-hokkeı boıynsha 78 medal jıyntyǵy báske tigiledi.