Reseı astanasynyń ortalyǵyndaǵy gúl qoımasynda bolǵan órtten 6 adam qaza tapty

MÁSKEÝ. TASS – QazAqparat – Reseı astanasy Máskeý ortalyǵyndaǵy Komsomol alańynda ornalasqan gúlder qoımasynda bolǵan órt saldarynan mert bolǵandar sany 6 adamǵa jetti.

Bul týraly QazAqparat reseılik TASS agenttigine silteme jasap habarlaıdy.

Reseıdiń Tótenshe jaǵdaılar memlekettik mekemesiniń baspasóz qyzmeti taǵy bir adamnyń zardap shekkenin habarlady.

Gúlder qoımasynan órt shyqqany týraly habar jergilikti ýaqyt boıynsha saǵat 15:13-te túsken.

Órt sóndirýshiler ǵımarattan 7 adamdy alyp shyqqan. Órt saldarynan birinshi jáne ekinshi qabattyń arasyndaǵy qabyrǵalar qulaǵan. Jalyn 2,5 myń sharshy metrdi sharpyp, oqshaýlandy, keıinirek órttiń sóndirilgeni habarlandy.

Foto: tass.ru