Reseı áskerıleri Nıgerdegi amerıkalyq bazany basyp aldy

<p>ASTANA. KAZINFORM &ndash; Reseı men Amerıka áskerleri Nıgerdegi bir bazada toǵysyp qaldy. Vashıngton áskerılerdiń ártúrli angarlarda turatynyn, bir-birimen qıylyspaıtynyn málimdedi, dep habarlaıdy <a href="https://ru.euronews.com/2024/05/03/russia-us-niger-military-base" target="_blank" rel="noopener">Euronews</a>.</p>

Reseı áskerıleri amerıkalyq ásker ornalasqan Nıgerdegi bazany basyp aldy, dep jazdy Reuters agenttigi Pentagonnyń joǵary laýazymdy ókiline silteme jasap. Muny keıin AQSh qorǵanys mınıstri Lloıd Ostın de rastady.

Aqparat kóziniń dereginshe, reseılikter amerıkalyqtarmen aralaspaıdy, olardyń áskerı tehnıkalaryna qol jetkize almaıdy jáne Nıger astanasy Nıameıdegi Amanı Dıorı halyqaralyq áýejaıynyń janynda ornalasqan 101 áýe bazasynda jeke angardy paıdalanýda. 

CNN telearnasynyń málimdeýinshe, reseılik áskerılerilerdiń Nıameı mańynda júrgenine birneshe apta boldy.

Buǵan deıin eldegi bılikti basyp alǵan áskerı hýnta Vashıngtonnan elden myńǵa jýyq áskerdi shyǵarýdy talap etken. Elde áli qansha amerıkalyq áskerı qyzmetker qalǵany jáne qansha amerıkalyq tehnıka bar ekeni belgisiz. Jaqynda AQSh áskeri Chadtan ketýge májbúr boldy. 

Óz kezeginde frantsýz áskerıleri jergilikti bıliktiń qysymymen sońǵy jyldary Nıger, Malı jáne Býrkına-Fasodan ketti.