Reseı ártisteri kontsertiniń ótpeı qalýy saıasatqa qatysty ma – mınıstr jaýaby

<p>Mádenıet jáne aqparat mınıstri Aıda Balaeva kórshi Reseı ártisteriniń sońǵy ýaqytta kontsertteriniń ótpeı qalýyna qatysty pikir bildirdi. Onyń ishinde M. Galkınniń jeke kontserti de bar, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Men bul máseleni saıasılandyrǵym kelmeıdi. Óıtkeni, kontsertter uıymdastyrýmen kommertsııalyq uıymdar aınalysady. Meni otandyq ártisterdiń, onyń ishinde kontsertterge daıyndalyp jatqan mádenıet qaıratkerleriniń kontsertteri nege ótpeıtini mazalaıdy. M. Galkınniń kontsertine qatysty túsinikteme berildi. Kontserttiń ótpeýi saıasatpen nemese jeke máselelermen baılanysty emes", - dedi Aıda Balaeva ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, mınıstr mádenıet pen ónerdiń saıasattan tys ekenin aıtty.

«Kez-kelgen janrdaǵy barlyq oryndaýshylardyń mıssııasy, eń aldymen, halyqqa rýhanı jáne mádenı turǵydan azyq berý. Men munda eshqandaı sýbtekst kórip turǵan joqpyn, másele talqylaýǵa jatpaıtyn sııaqty», - deıdi A. Balaeva.