Reseı alǵash ret Aıǵa mıssııasyn ushyrady

MÁSKEÝ. TASS – QazAqparat – Qazirgi Reseı tarıhyndaǵy alǵashqy mıssııa 11 tamyzda Aıǵa ushyrylady, qosalqy merzim – 12 tamyz. Bul týraly RǴA Ǵaryshtyq zertteýler ınstıtýtynyń ıadrolyq planetologııa bóliminiń jetekshisi málimdedi, dep habarlaıdy QazAqparat TASS agenttigine silteme jasap.

Buǵan deıin Roskosmos TASS agenttigine memlekettik korporatsııa «Lýna-25» ǵarysh apparatyn tamyzda ushyrýdy josparlap otyrǵanyn habarlaǵan bolatyn.

Maýsymda RocketTrip týroperatory «Lýna-25» avtomatty stantsııasy 11 tamyzda «Shyǵys» ǵarysh aılaǵynan ushady dep josparlanǵanyn habarlady.

«Lýna-25» Jerdiń tabıǵı serigine ushatyn qazirgi Reseı tarıhyndaǵy alǵashqy apparat bolmaq.

Shildede apparat Vostochnyı ǵarysh aılaǵyna jetkizildi.

Joba maqsaty – Aıdyń ońtústik polıýsi aýdanyna zertteý júrgizý úshin avtomatty zond jiberý. Modýl Bogýslavskıı kraterine jaqyn mańǵa qonady dep josparlanǵan.

Buǵan deıin Roskosmos baspasóz qyzmeti jýrnalısterge mıssııany ushyrý onyń tıimdiligin arttyrý úshin shildeden tamyzǵa aýystyrylǵanyn habarlady.