Reseı AQSh-qa baıytylǵan ýran eksportyn shektedi

<p>Ýaqytsha shekteý týraly tıisti qujat úkimet saıtynda jarııalandy, dep habarlaıdy <a href="https://tass.ru/ekonomika/22414097" target="_blank" rel="noopener">TASS</a>.</p>

– Bul másele baıytylǵan ýrandy AQSh-qa eksporttaý týraly nemese Amerıka Qurama Shtattarynyń ıýrısdıktsııasynda tirkelgen tulǵalarmen jasalǵan syrtqy saýda kelisimderi boıynsha týyndap otyr. Tehnıkalyq jáne eksporttyq baqylaý federaldy qyzmeti bergen bir rettik lıtsenzııalar negizinde jetkizilimder erekshelik bolyp tabylady, - dep jazdy mınıstrler kabınetiniń baspasóz qyzmeti.

TASS habarlaǵandaı, bul sheshim AQSh-tyń 2024-2027 jyldarǵa engizgen shekteýine, al 2028 jyldan bastap reseılik ýran ónimderin ımporttaýǵa tyıym salýǵa jaýap bolyp sanalady.

Reseı prezıdenti Vladımır Pýtın qyrkúıek aıynda úkimetpen kezdesýinde strategııalyq shıkizatty syrtqy naryqqa jetkizýdi shekteý múmkindigin taldaýdy tapsyrdy.

Kazinform-ǵa arnaıy TASS seriktes agenttigi usynǵan.