Reseı AES salýǵa negizgi úmitkerlerdiń biri bolady – sarapshy
«Prezıdenttiń Reseıge aparǵan memorandýmdary men kelisimderine qarap-aq, jalpy osy baǵyttar boıynsha ishki yntymaqtastyqtyń mańyzdy ekeni túsinikti jáne bul jerde, eń aldymen, jurtshylyqty qyzyqtyratyny – ıadrolyq energetıka salasynda kadr daıarlaý dep oılaımyn. ıAǵnı, bul qazirgi álemdegi eń suranysqa ıe baǵyttardyń biri ekenin túsiný kerek», - dedi Orazǵalı Selteev agenttik tilshisine bergen suhbatynda.
Óz sózinde spıker Frantsııanyń alty jańa atom stansasyn salýdy josparlap otyrǵanyn jáne barlyq jetekshi memleketter beıbit atomdy damytýǵa qarjy salyp jatqanyn aıtty.
«Sondyqtan, osy turǵydan alǵanda ıadrolyq energetıka mamandaryn daıarlaý jónindegi reseılik ǵylymı-bilim berý júıesi ne degenmen aldyńǵy qatarly bolyp sanalady jáne osy júıe boıynsha oqytylatyn mamandar kem degende taǵy 100 jyl álemdik deńgeıde suranysta bolatynyn túsiný kerek, sondyqtan bul óte mańyzdy. Ekinshi másele – Qazaqstanda AES salýmen baılanysty. Bul másele talqylanýǵa da kelmeıdi, óıtkeni búginde búkil el boıynsha energııa tapshylyǵy problemasy bar jáne negizgi sheshimderdiń biri – AES salý bolyp otyr. Bul jerde Reseıdiń atom stantsııasyn salýǵa negizgi úmitkerlerdiń biri ekenin tikeleı aıtý kerek. Biraq ázirge munyń bári ázirleý, memorandým jasaý, talqylaýlar, kelisimder satysynda, sodan keıin ǵana jumystardyń qalaı jáne qaı baǵytta damıtyny anyq kórinedi», - dedi Orazǵalı Selteev.
Aıta keteıik, 10-11 aqpanda QR Prezıdenti Qasym-Jomart Toqaev Reseı Federatsııasynda jumys saparymen boldy.
Sapar aıasynda Memleket basshysy Reseı Federatsııasynyń Prezıdenti Vladımır Pýtınmen kelissóz júrgizdi.
Sondaı-aq, Qasym-Jomart Toqaevtyń Reseıge jumys sapary aıasynda birqatar qujatqa qol qoıyldy.
Ekijaqty kelissózdiń qorytyndysy boıynsha Qasym-Jomart Toqaev pen Vladımır Pýtın buqaralyq aqparat quraldarynyń ókilderi úshin birlesken málimdeme jasady.