Reper 50 Cent Golovkınniń qarsylasy týraly pikir bildirdi

ASTANA. QazAqparat - Tanymal amerıkalyq rep-oryndaýshy 50 Cent-tiń jankúıerleri qazaqstandyq Gennadıı Golovkınmen (37-0-1, 33 KO) ekinshi jekpe-jek bolmaıtyny týraly málimdemeden keıin, meksıkalyq boksshy Saýl Alvareske (49-1-2, 34 KO) jańa laqap at qoıdy, dep habarlaıdy Sports.kz.

Eske salaıyq, taıaýda reper «Kanelonyń» sýretin jarııalap, 5 mamyrdaǵy jekpe-jektiń bolmaıtyny týraly pikir qaldyrǵan edi. «Saıtan alǵyr, meniń jigitim «Kanelo» eki dopıng testten ótpeı qaldy. Men ótirik qylymsymaımyn: GGG birinshi aıqasta jeńdi dep sezindim. Biraq, ol osylaı shyqpaýy kerek edi [shprıtstiń emodzıi]. Jeńistiń dámi», - dep jazdy 50 Cent Instagram-da.

Amerıkalyq tanymal ánshiniń jankúıerleri meksıkalyqqa jańa at oılap tapty. Qoldanýshylar 50 Cent-tiń jazbasynyń astynda Alvaresti «Kanelo» Alvaroıd» dep atap, osy atty heshtegpen qoldana bastady.

Eske salaıyq, budan buryn 50 Cent dopıng-synamanyń oń nátıje berýi týraly jańalyqtan keıin Instagram-ǵa «Kanelo» men onyń bapkeri «Chepo» Reınosonyń uıalyp turǵan sýretin salyp, myndaı sóz jazǵan edi: «Saıtan alǵyr, bizdi ustap aldy». Keıin ony óshirip tastaǵan bolatyn.

18 sáýir kúni Nevada shtatynyń atletıkalyq komıssııasy «Kanelo» isi boıynsha sheshim shyǵarady, alaıda rematch resmı túrde bolmaıtyn boldy. Golovkın 5 mamyr kúni basqa qarsylaspen judyryqtasady.
Foto: sports.kz