Rentabeldiligi tómen, shyǵyny kóp jobalar kompanııanyń qunyn tómendetedi - Ó. Shókeev
«Bárimizdiń bir ústel basynda jınalyp, bizdiń kompanııalardyń damý máselelerin, olardyń ózindik quny men básekege qabiletin arttyrýdy talqylap, pysyqtaǵanymyz asa mańyzdy. Sizder ár túrli kompanııalarda jumys isteseńizder de, biz bir toppyz. Ár sheshimdi qabyldaǵan ýaqytta biz osy mańyzdy máseleni esimizden shyǵarmaýǵa tıispiz», - dep atap ótti Ó. Shókeev otyrys barysynda.
Sonymen qatar, ol ulttyq kompanııalar basshylaryna budan bylaı shyǵyn shyǵaratyn jobalarǵa qarajat salmaýdy tapsyrdy. Onyń aıtýynsha, búginde basshylyqtaǵylardyń barlyǵy ulttyq kompanııalardyń qarajatyn bolashaqsyz jobalarǵa salýdy azaıtý qajettigin túsindi.
«Bizdiń, ıaǵnı menedjmenttiń de, dırektorlardyń da negizgi maqsaty -zańnamamyzda jazylǵandaı, kompanııanyń qunyn joǵarylatý. Prezıdenttiń de bizge tapsyrǵany kompanııaǵa salynǵan árbir teńge paıda ákelip, kompanııanyń qunyn ósirýdi qamtamasyz etý. Biz byltyr kompanııalardyń tek keleshegi zor, tıimdiligi joǵary jobalarǵa qarajat quıýy kerektigin dáleldep shyǵýǵa kóp kúsh jumsadyq. Kompanııaǵa Úkimettiń taǵy bir qaltasy retinde qarap, bıýdjetten tys aqsha alyp, olarǵa áleýmettik nysandar nemese taǵy basqa shyǵyny mol jobalar jasaýǵa bolmaıdy. Qazir basshylyqtaǵylardyń barlyǵy mundaı tájirıbeni azaıtyp, meılinshe qysqartý kerektigin jaqsy túsinedi», - dedi Ó. Shókeev.
Onyń aıtýynsha, UÁQ quramyna kiretin árbir kompanııanyń rentabeldiliginiń deńgeıi kórsetilgen. Menedjment sol deńgeıden tómen jobalardy usynýǵa quqyǵy joq. Al eger rentabeldiligi kompanııanyń naryqtaǵy baǵasynan asatyn jobalar bolsa, olardy usynýǵa bolady.
«Biz bul jumysty odan ári jalǵastyratyn bolamyz. Al ondaǵy negizgi róldi táýelsiz dırektorlar atqarady. Meniń sizderden ótinerim: osyndaı máseleler dırektorlar keńesinde talqylanǵan kezde, óz ustanymdaryńyzdy myqty ustańyzdar. Óıtkeni rentabeldiligi tómen, shyǵyny kóp jobalar kompanııanyń qunyn túsiredi», - dedi Ó. Shókeev.
Qordyń jaqynda taǵaıyndalǵan basqarýshy dırektory Nıkolas Maloýn «Qor tobynyń ishindegi sınergııa» atty birinshi sessııa barysynda aqparattyq tehnologııalar sheńberinde sınergııa boıynsha aıtylǵan máselelerge toqtalyp, óz kózqarasymen bólisti.
Onyń aıtýynsha, úderisterdi ortalyqtandyrý kómegimen, sonymen qatar basqarý bilimi men praktıkasynyń transferti arqyly sınergııaǵa qol jetkizýge bolady. Munyń artyqshylyǵy Qordaǵy aqparattyq tehnologııalardyń sınergııasy ataýly-ortalyqtarda jınaqtalyp, qoldaý qyzmeti men tehnologııalyq úderister ońtaılandyrylatyn bolady. Bul rette «Adamdar-Úderister-Tehnologııalar» arasyndaǵy ózara tyǵyz qatynas zor mańyzǵa ıe bolmaq.
Aıta ketý kerek, Qor adam kapıtalyn damytý jóninde de úlken jumys júrgizýde. Atalmysh kezdesý barysynda 2013-2022 jyldarǵa arnalǵan Qordyń kadr saıasaty da talqylanǵan bolatyn.
Mamandardyń atap ótýinshe, kadr saıasatynda eńbek resýrstarynyń sapasyn arttyrýǵa, personaldy uzaq merzimdi josparlaýǵa, biliktilik talaptaryn jáne kásibı standarttardy kúsheıtýge, oqý ortalyqtaryn jańǵyrtýǵa jáne dýaldyq oqytý júıesine nazar aýdarylady. Kompanııalardyń dırektorlar keńesteriniń taǵaıyndaýlar men syıaqylar komıtetteri Kadr saıasatyn iske asyrýda negizgi ról atqarýy qajet.
Budan basqa, Qor kompanııalary toptarynyń úzdik qyzmetkerleri engizilgen «Top-100» baǵdarlamasy tanystyryldy. Oǵan kompanııalar toptarynda qyzmet atqaratyn 35 qyzmetker engizildi. Barlyǵy da 3 kezeńnen turatyn synaqtardan súrinbeı ótken bilikti mamandar. Basqarma tóraǵasy Ó. Shókeevtáýelsiz dırektorlarǵa osy baǵdarlamaǵa engizilgen kompanııa qyzmetkerlerimen jeke-jeke tanysýdy jáne olardyń damýyna monıtorıng júrgizýdi usyndy.
Kezdesýdi qorytyndylaǵan Ó. Shókeev táýelsiz dırektorlardy asa belsendi bolýǵa jáne Qor toby kompanııalarynyń tıimdiligin arttyrýǵa kúsh-jiger jumsaýǵa shaqyrdy. Sondaı-aq, kezdesýge qatysýshylardy 22-24 mamyrda ótetin Astana ekonomıkalyq forýmyna belsene qatysýǵa shaqyrdy.