Rektory paramen ustalǵan Áýezov ýnıversıtetin qazir kim basqaryp otyr

<p>ShYMKENT. KAZINFORM &mdash; Qazaqstan Respýblıkasy Ǵylym jáne joǵary bilim mınıstri Saıasat Nurbektiń buıryǵymen Ǵanı Besbaev Áýezov atyndaǵy OQÝ Rektorynyń mindetin ýaqytsha atqarýshy qyzmetin atqaryp jatyr.</p>

Ǵanı Besbaev 1997 jyly M.Áýezov atyndaǵy OQÝ-de «Ekonomıkalyq kıbernetıka» mamandyǵyn meńgerdi. Eńbek jolyn atalǵan oqý ordasynda zertteýshi-stajer bolyp bastap, aspırant, «Matematıkalyq ádister jáne modelleý» kafedrasynyń oqytýshysy, pedagogıkalyq syrttaı oqytý fakýltetiniń dekany, Qashyqtan bilim berý ınstıtýty dırektorynyń orynbasary, «Aqparattyq tehnologııalar jáne energetıka» Joǵary mektebiniń dekany qyzmetterin atqardy. 

Sondaı-aq, J. A. Tashenov atyndaǵy ýnıversıtettiń «IT jáne ekonomıka» fakýltetiniń dekany boldy. M. Áýezov atyndaǵy OQÝ «Esepteý tehnıkasy jáne baǵdarlamalyq qamtamasyz etý» kafedrasynyń dotsenti, M. Áýezov ýnıversıtetinde áleýmettik jáne tárbıe jumysy jónindegi prorektory laýazymdarynda eńbek etti.

Aıta keteıik, budan buryn M. Áýezov atyndaǵy Ońtústik Qazaqstan ýnıversıtetiniń basshysy kúdikke ilingenin jazǵan bolatynbyz.