Rektor Prezıdent Joldaýy týraly: Bilim sapasy – basty nazarda
El Prezıdentiniń jyl saıynǵy Qazaqstan halqyna Joldaýy – Qazaqstan Respýblıkasynyń azamattary úshin tarıhı jaıt. Úndeý barlyq qazaqstandyqtardy, birinshi kezekte bizdi, joǵary oqý oryndarynyń ǵalymdary men professor-oqytýshylar quramyn beı-jaı qaldyrmaıdy. Óıtkeni, bul álemdegi ózgeristerdiń kóbi bizderge baılanysty. Qasym-Jomart Toqaevtyń bul Joldaýy óziniń naqtylyǵymen jáne maqsattylyǵymen eldiń aldaǵy jyldarǵa arnalǵan damý baǵytynyń negizgi vektorlaryn aıqyndaıdy.
Qazaqstan Respýblıkasynyń Prezıdenti Q.K.Toqaevtyń 2020 jylǵy 1 qyrkúıektegi halyqqa Joldaýynda el men qoǵamnyń odan ári damýynyń paıymy baıandalyp, qazaqstandyqtardyń ómir súrý sapasyn arttyrýǵa baǵyttalǵan mańyzdy strategııalyq mindetter belgilengen. Bul naqty praktıkalyq ister baǵdarlamasy, sózsiz, barlyq qazaqstandyqtarǵa, eń aldymen, bizge, zııaly qaýymnyń aldyńǵy qatarly bóligi – ǵalymdar men pedagogterge qatysty.
Q.K.Toqaev Joldaýynyń bir baǵyty memleket damýynyń negizi bolyp sanalatyn bilim men ǵylym máselelerine arnalǵany qýantady. Osylaısha, Prezıdent jyl saıyn Qazaqstan ǵalymdaryna álemniń jetekshi ǵylymı ortalyqtarynda ǵylymı taǵylymdamadan ótýdi, sondaı-aq «Jas ǵalym» baǵdarlamasy aıasynda jas ǵalymdarǵa myń grant bólýdi usyndy.
Memleket basshysy pedagogterdi áleýmettik qoldaý máselesine erekshe nazar aýdardy. Búginde bul kóterilgen máseleniń jaı ǵana sóz emes, is júzinde júzege asyp jatqandyǵynyń kýágerimiz. Máselen, ótken jyly Q.K.Toqaev Úkimetke Pedagog mártebesin jáne muǵalimderdiń jalaqysyn arttyrýdy, otandyq ǵalymdarǵa erekshe nazar aýdarýdy, bilim berý salasyn jan-jaqty qoldaýdy tapsyrǵan bolatyn. «Pedagog mártebesi týraly» zań qabyldandy, bilim berý granttarynyń sany edáýir artty, demek, pedagogterdiń qoǵam aldyndaǵy jaýapkershiligi artty. Bilim berýdiń áleýetin arttyrý, onyń ishinde aldaǵy ýaqytta oqytýshylardyń jalaqysyn ósirý máselesi de josparlanýda. Pedagog qyzmetkerlerdiń jalaqysyn kóterý jáne olarǵa degen memlekettiń erekshe nazary bilim sapasyna oń áser eteri sózsiz.
Joǵary bilim berý salasynyń aldynda kásibı kadrlardy daıarlaý turǵysynan memlekettiń úmitin aqtaý mindeti tur. ıAǵnı, jasampaz shyǵarmashylyq kásibı mamandardy daıyndap, el ıgiligine qyzmet isteýge jumyldyrý. Akademııalyq qaýymdastyqtyń endigi isi – qazaqstandyq bilimdi bilim berýdegi álemdik kóshbasshylardyń deńgeıine shyǵarý.
Akademık E.A. Bóketov atyndaǵy Qaraǵandy ýnıversıtetiniń ujymy Prezıdenttiń bastamalaryn tolyǵymen qoldaıdy jáne bizdiń ortaq bolashaǵymyz ben ortaq taǵdyrymyz úshin osy bastamalardy jan-jaqty nasıhattaýǵa, olardy júzege asyrýǵa belsendi qatysýǵa yqpal etetin bolady.