Refrendýmda zań buzý derekteri tirkelgen joq – Іshki ister mınıstrligi

NUR-SULTAN. QazAqparat – Quqyqtyq tártipti qamtamasyz etý úshin polıtsııa kúsheıtilgen rejımde qyzmet atqaryp jatyr. Bul týraly QR Іshki ister mınıstrligi Ákimshilik polıtsııa komıtetiniń tóraǵasy Atyǵaı Arystanov málim etti, dep habarlaıdy QazAqparat tilshisi.

«Zańnamaǵa sáıkes ishki ister organdarynyń qyzmetkerlerine referendým ótkizý kezinde quqyqtyq tártipti qamtamasyz etý júktelgen. Sondyqtan jalpy ishki quram kúsheıtilgen tártipte qyzmet atqaryp jatyr. Bıýlletenderdi ákelerdiń aldynda búkil saılaý ýchaskeleri qaýipsizdikke qatysty tekserildi. Osy oraıda órt qaýipsizdigi júıesi de qamtyldy», - dedi A. Arystanov «Qazmedıa» ortalyǵynda ótip jatqan «Referendým» onlaın-marafonynda.

Osy oraıda ol el aýmaǵyndaǵy jaǵdaı turaqty ekenin aıtty.

«Jalpy elimiz boıynsha jaǵdaı turaqty. Eshqandaı buzaqylyq derekteri tirkelmedi», - dedi komıtet basshysy.

Búgin referendým barysynda el turǵyndary Konstıtýtsııamyzdyń 33 babyna 56 ózgeris engizý máselesine qatysty óz daýystaryn beredi.