Reformany tek reforma úshin júrgizýge jol berilmeıdi - Toqaev

NUR-SULTAN. QazAqparat - Reformany tek reforma úshin júrgizýge jol berilmeıdi. Bul týraly búgin Qazaqstan halqyna Joldaýynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Biz elimizdi reformalaýdyń jańa kezeńine qadam bastyq. Osy mańyzdy mindetterdi sapaly oryndaýymyz kerek. Elimizdiń árbir turǵyny oń ózgeristi sezinýi tıis. Men memlekettik organdardan jumysty jedel atqaryp, naqty nátıjege qol jetkizýdi talap etemin. Reformany tek reforma úshin júrgizýge jol berilmeıdi», - dedi Toqaev.

Memleket basshysy árbir mınıstrde jáne ákimde nátıjeli jumystyń negizgi kórsetkishteriniń tizimi bolýy tıistigin aıtty. «Sol arqyly olardyń naqty maqsatqa qol jetkizý deńgeıi anyqtalady. Úkimet múshelerine, memlekettik organdar men óńirlerdiń, memlekettik kompanııalardyń jáne mekemelerdiń basshylaryna tıisti reformanyń júzege asyrylýy úshin derbes jaýapkershilik júkteledi. Osyǵan baılanysty jaqynda tıisti Jarlyqqa qol qoıdym. Bul Jarlyqtyń aıasynda eldegi ahýal,sonyń ishinde aımaqtardaǵy halyqtyń jaǵdaıy saýalnama negizinde naqty baǵalanatyn bolady», -dedi QR Prezıdenti.