Reformadan sharshaǵan belgııalyq muǵalimder narazylyqqa shyqty

NUR-SULTAN. QazAqparat – Brıýsselde muǵalimder men basqa da mektep qyzmetkerleri alańǵa shyǵyp, sala bıýdjetiniń qysqartylýyna narazylyqtaryn bildirdi, dep habarlaıdy QazAqparat Euronews-ke silteme jasap.

Demonstranttar «Belgııadaǵy narazylyqtar jaqyn arada búkil Eýropaǵa taralady» dep eskertti.

Koronavırýstyń órshýi ulttyq bilim berý reformasy týdyrǵan máselelerdi ýshyqtyrdy. Belgııa úkimeti muǵalimderge jumys ýaqytyn uzartý, kompıýterlendirý jáne synyp sanyn kóbeıtý sııaqty kúrdeli tapsyrmalar berdi.
«Biz budan ári shydaı almaımyz. Biz oqýshylarǵa barymyzdy salamyz, uzaq ýaqyt kompıýterdiń aldynda otyramyz. Aýyryp sabaqtan qalý máselelerin biz sheshemiz, osynyń bárinen sharshadyq», -deıdi narazylyq bildirgen muǵalimder.
Vallonııa jáne Brıýssel federatsııasynda muǵalimderdiń sońǵy kóterilisi 2011 jyly ótken. Bul joly narazylyq bildirýshiler qatary artyp, barlyq kásipodaqtar da olardy qoldap otyr.
Kóptegen muǵalimder oqý baǵdarlamasynyń nashar oryndalýyna, oqý josparynyń shekteý sharalary saldarynan únemi úzilýine baılanysty oqý úlgeriminiń tómendeýi úshin jaýapkershilikti alǵysy kelmeıdi.
Jaǵdaı osylaı jalǵasa beretin bolsa, belgııalyq muǵalimder, ásirese Vallonııada, jaqsy jaqqa ózgerister jasaý úshin EO-nyń basqa elderindegi áriptesterimen odaq qurýǵa nıetti ekenderin bildirdi. Olardyń taǵy bir urany: «Mektep – bolashaqqa salynǵan ınvestıtsııa».