Refleks-2021: Sıntetıkalyq esirtkige qatysty 303 qylmys anyqtaldy

NUR-SULTAN. QazAqparat – «Refleks-2021» operatsııasy barysynda sıntetıkalyq esirtkiniń zańsyz aınalymyna qatysty 303 esirtki qylmysy anyqtaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«4 qazan men 30 qarasha aralyǵynda ishki ister organdary jańa psıhobelsendi zattardyń taralýyna qarsy áreket etýge baǵyttalǵan «Refleks-2021« arnaıy óńirlik operatsııa ótkizdi. Respýblıka boıynsha arnaıy is-shara kezinde sıntetıkalyq esirtkiniń zańsyz aınalymyna baılanysty 303 esirtki qylmysy anyqtaldy»,- dedi Nurdildá Oraz ІІM baspasóz alańynda ótken brıfıng barysynda.

Resmı ókildiń dereginshe, onyń ishinde 83 ótkizý faktisi, asa iri kólemde saqtaýdyń 32 faktisi, esirtkini nasıhattaýdyń 25 faktisi, prıtondy uıymdastyrýdyń 3 faktisi jáne kontrabandanyń 1 faktisi anyqtaldy.

«Almaty jáne Atyraý oblystarynda eki esirtki zerthanasy joıyldy, onda 3,5 keliden astam paıdalanýǵa daıyn esirtki tárkilendi. Arnaıy operatsııa kezinde zańsyz aınalymnan barlyǵy 14,5 keli sıntetıkalyq esirtki tárkilendi», - dedi ol.