Referendýmnyń 10 myń ýchaskesinde qoǵamdyq tártip buzylǵan joq – ІІM

<p>ASTANA. KAZINFORM &ndash; QR Bas prokýratýrasy men QR ІІM referendým ótkizý barysynda zańdylyq pen quqyqtyq tártipti qamtamasyz etý sharalaryn qorytyndylady.&nbsp;</p>

QR Bas prokýratýrasy qoǵamdyq múddelerdi qorǵaý qyzmetiniń basqarma bastyǵy Bekjan Qaramanovtyń aıtýynsha, daýys berý kúni jalpy 2 buzýshylyq anyqtaldy. Bul zańsyz saýal men zańsyz úgit júrgizýge qatysty. Barlyq jaǵdaıda azamattar óz kinálaryn moıyndady, olarǵa ákimshilik aıyppuldar salyndy.

«Osy saǵatta prokýratýra organdaryna 3 ótinish tústi. Joldanymdarda azamattar daýys berý protsesi men ýchaskelik referendým komıssııalarynyń ataýlaryn qozǵaǵan. Osyǵan baılanysty prokýrorlar barlyq joldanymdardy quzyreti boıynsha aýmaqtyq referendým komıssııalaryna joldady. Sot oryndaryna talap-aryzdar túspegen», - dedi B. Qaramanov Ortalyq kommýnıkatsııalar qyzmetinde.

QR ІІM resmı ókili Shyńǵys Álekeshev quqyqtyq tártip pen qaýipsizdikti qamtamasyz etý boıynsha is-sharalardy jalǵastyryp jatqanyn atap ótti.

«Іshki ister organdary qoıylǵan mindetterdi tıisti deńgeıde oryndap shyqqanyn atap ótýge bolady. Qoǵamdyq tártipti saqtaý boıynsha qajetti sharalar qabyldanýda, sondaı-aq baıqaýshylardyń qaýipsiz jumysy jáne azamattardyń referendýmǵa erkin qatysý múmkindigi qamtamasyz etildi. Referendýmnyń 10 myń ýchaskesiniń eshqaısysynda qoǵamdyq tártipti buzýǵa jol berilmedi. Qazirgi ýaqytta daýystardy sanaý jalǵasýda, referendým ýchaskelerindegi jaǵdaı turaqty», - dedi QR ІІM resmı ókili.

Onyń aıtýynsha, daýystardy sanaý aıaqtalǵannan keıin polıtsııa qyzmetkerleri aýmaqtyq referendým komıssııalaryna bıýlletender men hattamalardy jetkizýdi súıemeldeıdi.