Referendýmnan beri Qazaqstanda úzdiksiz demokratııalyq protsess júrip jatyr – halyqaralyq baıqaýshy

ASTANA. QazAqparat – Islam yntymaqtastyǵy uıymy saıası departamentiniń kásibı ofıtseri Seıd Sheıh Seıd Hassan referendým men Prezıdent saılaýynan beri Qazaqstanda úzdiksiz demokratııalyq protsester júrip jatqanyn aıtty, dep habarlaıdy QazAqparat tilshisi.

«Biz Ortalyq saılaý komıssııasy tarapynan jasalǵan egjeı-tegjeıli jumystardy kórip otyrmyz. Osy saılaýdy joǵary deńgeıde ótkizý úshin barlyq jaǵdaı jasalǵan. Biz elordadaǵy saılaý ýchaskelerinde boldyq jáne protsestiń qalypty, zańǵa sáıkes júrip jatqanyn kórdik. Barsha talaptardyń saqtalǵanyn jáne quqyq buzýshylyqtardyń joqtyǵyna kóz jetkizdik. Islam yntymaqtastyǵy uıymy Qazaqstandaǵy demokratııalyq protsesterdi odan ári jaqsartý úshin járdemdesedi», - dedi Seıd Sheıh Seıd Hassan.

Baıqaýshy atalǵan saılaýdyń joǵary deńgeıde ótetinine senim bildirdi.

«Bul ýaqytqa deıin Qazaqstanda referendým jáne Prezıdent saılaýy ótti. Sodan beri Qazaqstanda úzdiksiz demokratııalyq protsester júrip jatyr. Sondyqtan osy saılaý jaqsy ótedi jáne tek oń pikirler bolady degen úmittemiz», - dep senim bildirdi baıqaýshy.

Buryn habarlaǵanymyzdaı, búgin Qazaqstanda Májilis pen máslıhat depýtattaryn saılaý ótip jatyr.