Referendýmǵa únemi otbasymmen kelemin – astanalyq kópbalaly áke Asqar Qalıev

<p>ASTANA. KAZINFORM &ndash; Astanalyq kópbalaly otbasy Asqar Qalıev pen Dına Túsipjanova referendýmda daýys berýge balalaryn ertip kelgen.</p>

«Memleket basshysy bıylǵy halyqqa Joldaýynda 6 qazanda referendým ótetini týraly ózi málimdep, el úshin mańyzdy is-shara ekenin aıtty. Búgin otbasymmen kelip, óz tańdaýymyzdy jasadyq. Men saılaý, referendýmǵa únemi otbasymmen, ıaǵnı bala-shaǵammen kelemin», - dedi Asqar Qalıev agenttik tilshisimen áńgime barysynda. 

Sondaı-aq, elorda turǵyny balalaryn ertip kelý sebebin de aıtty. 

«Biz balalarymyzdyń óz kózimen kórip, qoǵam ómirine belsene aralasqanyn qalaımyz. Bizdiń daýsymyz balalardyń bolashaǵy úshin mańyzdy», - deıdi ol. 

№164 ýchaskesiniń komıssııa músheleri kópbalaly otbasy balalaryna kishigirim syı tartty. 

Aıta keteıik, Astanadaǵy Ulttyq akademııalyq kitaphanada ornalasqan №164 ýchaskede Senat tóraǵasy Máýlen Áshimbaev daýys berdi. Onyń aıtýynsha, referendým – Qazaqstannyń demokratııalyq damýyndaǵy mańyzdy qadam. 

Odan bólek, osy daýys ýchaskesinde Memlekettik keńesshi Erlan Qarın de óz tańdaýyn jasady. Ol Qazaqstan –TMD jáne Ortalyq Azııadaǵy referendým ótkizip jatqan birden-bir el ekenin aıtty. 

Sondaı-aq, atalǵan ýchaskede Mádenıet jáne aqparat mınıstri Aıda Balaeva daýys berdi.