Referendýmǵa qatysýdan Qyzylorda oblysy kósh bastap tur
Búgin elimizde ótip jatqan Konstıtýtsııaǵa ózgertýler men tolyqtyrýlar engizý jónindegi referendýmǵa qyzylordalyqtar belsendi qatysyp jatyr.
Astana ýaqytymen 16.00-ge deıin málimet boıynsha Syr jurtshylyǵynyń 72,26 paıyzy óz tańdaýyn jasap úlgerdi. Osy kórsetkishpen Qyzylorda elimizde kósh bastap tur.
Qyzylorda qalasy men aýdandar boıynsha derekter tómendegishe:
Aral – 80,15 %
Qazaly – 79,44%
Qarmaqshy -78,82%
Jalaǵash -80,09%
Syrdarııa -80,45%
Shıeli -78,91%
Jańaqorǵan – 79,62%
Qyzylorda – 60,84%
Aıta keteıik, aımaqta 373 daýys berý ýchaskesi bar. Onda 462685 daýys berýshi tirkelgen.
Eske salsaq, budan buryn Qyzylordada 101 jastaǵy maıdanger alǵashqy bolyp daýys berdi.
Al búgin 18 jasqa tolǵan qyzylordalyq daýys berýge alǵash qatysty.
Sondaı-aq, Qyzylordada shekara beketindegi áskerı mamandar jáne b úgin shańyraq kótergen jas jubaılar daýys berdi.
Sondaı-aq, Qyzylordada jergilikti «Qaısar» komandasynyń oıynshylary tańdaýyn jasady.