Referendýmǵa qatysý kórsetkishi boıynsha Almaty eń sońynda tur

ALMATY. QazAqparat – Ortalyq saılaý komıssııasynyń sońǵy aqparatna sensek, elimizde azamattardyń 68 paıyzdan astamy referendýmda daýys bergen. Alaıda Almatynyń kórsetkishi tómen. Bul - úlken shaharlar úshin qalypty jaǵdaı. Bul týraly Eýrazııalyq franchaızıng qaýymdastyǵynyń prezıdenti, ekonomıst, qoǵam belsendisi Beknur Qısyqov brıfıng barysynda málim etti, dep habarlaıdy QazAqparat tilshisi.

Spıkerdiń sózinshe, Almaty qalasy buǵan deıingi saılaýlarda da joǵary kórsetkish kórsetpegen.

«Bul - iri qalalarǵa tán jaǵdaı. Mysaly, Nıý-Iork, Ystanbulda da saıası naýqanǵa qatysý statıstıkasy osyndaı. Almaty da sondaı fenomenge kirip tur dep oılaımyn. Degenmen referendým kópshiliktiń qyzyǵýshylyǵyn oıatty. Máselen, qalada jumys istep júrgen ózge aımaqtyń adamdary da daýys berý múmkindigi paıdalana almady. Kóbi tirkeý talonyn aldyn ala almappyz dep ókinip jatty. Jalpy, referendým jaqsy deńgeıde ótti»,- deıdi Beknur Qısyqov.

Almatyda saǵat 20.00-de referendým ýchaskeleriniń esigi jabylyp, bıýlletenderdi sanaý bastaldy.

Aıta keteıik, Almatyda jalpy halyqtyq referendýmda 574 ýchaske jumys istedi.