Referendýmda qazaqstandyqtarǵa «AES-ti kim salý kerek?» degen suraq qoıyla ma

<p>Májilistiń jalpy otyrysynan keıin BAQ ókilderiniń saýalyna jaýap bergen Energetıka mınıstri Almasadam Sátqalıev AES salý jónindegi referendýmnyń kún tártibi týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Prezıdent Q.Toqaev «Izvestııa» gazetine bergen suhbatynda Qazaqstan Reseıdiń AES salý usynysyn joǵary baǵalaıtynyn, biraq ol másele referendým qorytyndysy boıynsha sheshiletinin aıtty. Demek, referendýmda qazaqstandyqtarǵa «AES-ti kim salý kerek?» degen suraq qoıyla ma», - dep surady jýrnalıst.

Mınıstrdiń sózinshe, referendýmda naqty qandaı suraqtar bolatyny áli belgisiz.

«Qazirgi tańda referendýmda qoıylatyn suraqtar jasaqtalǵan joq. Ol suraqtardy jasaqtaǵan kezde qoǵamnyń pikiri eskeriletini sózsiz. Qazir Konstıtýtsııaǵa saı jumys júrip jatyr. Buǵan deıin de aıtqanymdaı, ol jumysqa depýtattardy da, qoǵamdyq pikir kóshbasshylaryn da tartamyz», - dedi Almasadam Sátqalıev.

Buǵan deıin mınıstrlik AES-ti kim salatyny týraly suraq referendýmda qaralmaıtyny týraly málimet taratqan bolatyn.

«Buǵan deıin mınıstrlik zańnama bul máseleni referendýmǵa engizýdi talap etpeıdi degen málimet aıtqan. ıAǵnı, másele referendýmda qaralmaıdy degen joq. Endi Memleket basshysy tıisti tapsyrma bergennen keıin osy referendýmdy uıymdastyrýǵa qajetti jumysty uıymdastyryp jatyrmyz. Ázirge referendýmnyń kún tártibi áli jasaqtalǵan joq. Qandaı suraqtar qoıylatyn sol kezde belgili bolady», - dedi vedomstvo basshysy.