«Referendýmda daýys bere otyryp, adamdar ózderin qabiletsiz dep tanıdy» - feık

NUR-SULTAN. QazAqparat - Qazaqstandyqtar Telegram messendjerinde bıyl 5 maýsymda ótetin respýblıkalyq referendýmdy talqylaýda. Keıbir paıdalanýshylardyń paıymdaýynsha, daýys bere otyryp, adamdar ózderin qabiletsiz dep tanıdy, demek referendýmǵa qatysýǵa bolmaıdy. Stopfake.kz saıtynyń jazýynsha, bul – jalǵan málimet, dep habarlaıdy QazAqparat.

Bıyl 5 mamyrda Qazaqstanda respýblıkalyq referendýmnyń ótetini týraly jarııa etildi.
Onyń maqsaty – Qasym-Jomart Toqaev Konstıtýtsııaǵa engizýdi usynǵan túzetýlerge daýys berý.
Bıýlletende jaýaptardyń tek eki nusqasy ǵana bolady: «ıá» nemese «joq». Tıisinshe, «Iá» jaýabyn tańdap, adam Konstıtýtsııaǵa engiziletin túzetýlerdi qabyldaýǵa kelisimin bildiredi, al «joq» dep qarsylyǵyn bildiredi.

«Saılaýshylardyń quqyqtyq qabilettiligi jónindegi máseleler referendýmda sheshilmeıdi jáne olaı bolmaıdy da. Adam óziniń qabiletsizdigin referendýmǵa qatysý arqyly rastaıdy degen teorııa «egemen-tiri adamdar» qozǵalysynyń ıdeologııasynan bastaý alady. Qozǵalysty jaqtaýshylardyń pikirinshe, jeke basyn kýálandyratyn qujattary bar jáne únemi salyq tóleıtin, óz elderiniń zańdary boıynsha ómir súretin barlyq adamdar zań júzinde óli dep sanalady. Olardyń ózderi qujattardan jáne kez kelgen qyzmetke aqy tóleýden bas tartady, ózderin «tiri» dep tanýdy talap etip, Bıleýshiler men Egemender dep ataıdy. Bul qozǵalys destrýktıvti jáne onyń basshysy psıhıkalyq saý emes dep tanylǵan.

Demek, bul qozǵalysty jaqtaýshylardyń teorııalaryna senýdiń qajeti joq. Respýblıkalyq referendýmda daýys berýdiń azamattardyń áreketke qabilettiligin nemese qabiletsizdigin tanýǵa eshqandaı qatysy joq», - delingen saıtta.