Referendýmda daýys sany 50 paıyzdan assa, halyq AES qurylysyn qoldaıdy degen sóz – Erlan Saırov

<p>ASTANA. KAZINFORM &mdash; Referendýmda daýys sany 50 paıyzdan artyq bolsa, onda halyqtyń basym kópshiligi AES qurylysyn qoldaıdy degen sóz. Mundaı pikirdi Prezıdent Joldaýynan keıin Májilis depýtaty Erlan Saırov bildirdi.</p>

«Bizde – demokratııa. Sondyqtan bir jyldyń ishinde jan-jaqty talqylandy. Demokratııa bolǵandyqtan, jaqtaýshylar da, qarsylyq tanytýshylar da bolady. Menińshe, AES Qazaqstanǵa qajet. Óıtkeni, ekonomıka damyp kele jatyr. Ekonomıka damyǵanmen oǵan jetkilikti energııa kózderi joq. Elektr energııasyn Reseıden ımporttap otyrmyz. Munyń ústine ımport qymbatqa túsedi. Al azamattardyń daýysynyń estilgeni ne estilmegeni aldaǵy 6 qazanda belgili bolady. Eger referendýmda daýys sany 50 paıyzdan artyq bolsa, onda halyqtyń basym kópshiligi AES qurylysyn qoldaıdy degen sóz», - dedi Erlan Saırov.

Aıta keteıik, búgin Memleket basshysy Qasym-Jomart Toqaev atom elektr stansasyn salý máselesine qatysty jalpyulttyq referendým bıyl 6 qazanda ótetindigin jarııa etti.