Referendým joǵary deńgeıde uıymdastyrylǵan – TMD baıqaýshylary mıssııasy

NUR-SULTAN. QazAqparat – Qazaqstan Konstıtýtsııasyna ózgertýler men túzetýler engizýge arnalǵan referendým joǵary deńgeıde uıymdastyrylǵan. Mundaı baǵany Táýelsiz memleketter dostastyǵy baıqaýshylary mısııasynyń basshysy Leonıd Anfımov bildirdi, dep habarlaıdy QazAqparat tilshisi.

Onyń dereginshe, mıssııa baıqaýshylary 5 maýsym kúni Aqmola, Shyǵys Qazaqstan, Batys Qazaqstan, Qaraǵandy oblystaryndaǵy Nur-Sultan, Almaty, Shymkent qalalaryndaǵy, sonymen qatar Ankara, Baký, Bishkek, Brest, Rıga, Dýbaı, Dýshanbe, Erevan, Qazan, Mın s k, Máskeý, Omby, Ottava, Parıj, Beıjiń, Sankt-Peterbor jáne Sofııadaǵy referendým ýchaskelerindegi daýys berý barysyn qadaǵalaǵan.

«TMD baıqaýshylary 865 referendým ýchaskesinde boldy jáne daýys berý protsesiniń uıymshyldyqpen ári ashyq bolǵandyǵyn atap ótedi. Ulttyq jáne halyqaralyq baıqaýshylarǵa daýys berý barysyn baıqaý úshin barlyq qajetti jaǵdaı jasalǵan. Referendým qatysýshylary aqparattyq materıaldarmen jáne qajetti jabdyqtarmen qamtamasyz etilgen. Daýystardy sanaý protsesi referendým týraly zańnamaǵa saı ótti. Baıqaýshylarǵa komıssııa músheleriniń is-áreketin tolyqtaı qadaǵalaý qamtamasyz etildi», - dedi Leonıd Anfımov.

Onyń atap ótýinshe, tehnıkalyq sıpattaǵy azdaǵan ári bolmashy qatelikter boldy. Biraq, ol referendým nátıjesine esh áser etpeıdi. Daýys berý protsesi qoldanystaǵy zańnamaǵa saı ótti.

«TMD baıqaýshylary mıssııasy Qazaqstan Respýblıkasynyń Konstıtýtsııasyna ózgertýler men túzetýler engizý jónindegi referendým joǵary uıymdastyrylǵan deńgeıde, qoldanystaǵy zańnamaǵa ótti dep sanaıdy», - dedi ol.