Referendým: Ulybrıtanııadaǵy otandastarymyz erekshe belsendilik tanytty

<p>ASTANA. KAZINFORM - Londonda №376 referendým ýchaskesiniń esikteri ýaqyt ereksheligine baılanysty endi jabylǵaly jatyr, daýystardy sanaý endi bastalady, dep habarlaıdy Kazinform tilshisi.</p>

Ulybrıtanııada ýaqytsha nemese turaqty turyp jatqan azamattarymyz búgin buryn-sońdy bolmaǵan belsendilik tanytty. London qazaqtarynan bólek alys-jaqyn qalalardan kóptegen otandasymyz keldi. Olardyń basym bóligi “Bolashaq” baǵdarlamasynyń stıpendıattary. Taǵylymdamadan ótip jatqan ǵalymdar daýys ta berdi; Qazaqstannyń týyn jelbiretip, elshilik aldynda fotoǵa da tústi. Referendýmǵa qansha adam qatysqany týraly jáne onyń qorytyndysyn komıssııa músheleri erteń jarııalaıdy.

“Biz otbasymyzben birge “500 ǵalym” jobasy aıasynda Anglııanyń Redıng qalasyndaǵy Redıng ýnıversıtetinde 11 aıǵa taǵylymdamadan ótip jatyrmyz. Eldiń erteńin oılap, óz tańdaýymyzdy jasaý úshin saılaýǵa qatysýdy otbasymyzben jón dep sanadyq jáne óz tańdaýymyzdy jasadyq”, - dedi ǵalymdardyń biri Altynbek Moshqalov.